Pwysau ar Boris Johnson i ail-alw’r Senedd

Diweddarwyd am  
Keir Starmer

Keir Starmer

Llun: Flickr

Mae Boris Johnson yn wynebu pwysau i alw senedd San Steffan yn ôl, wedi iddo gael ei orfodi i ddatgelu goblygiadau Brexit heb fargen.

Yn dilyn pleidlais gan Aelodau Seneddol, bellach mae’r Prif Weinidog wedi gorfod rhyddhau asesiadau ‘Ymgyrch Yellowhammer’ y Llywodraeth, ac mae eu cynnwys wedi denu cryn ymateb.

Mae’r dogfennau’n darogan y byddai’r Deyrnas Unedig yn profi prinder meddyginiaethau, a chynnydd prisiau bwyd yn sgil Brexit heb fargen.

Maen nhw hefyd yn rhagweld y bydd masnach tros y Sianel yn cael ei “aflonyddu cryn dipyn am hyd at chwe mis”,  a bod y cyhoedd yn mynd i orfod talu “tipyn yn rhagor” am drydan.

 “Risgiau difrifol”

“Mae’r dogfennau yn cadarnhau y daw risgiau difrifol â Brexit heb fargen – rhywbeth mae Llafur wedi gweithio’n galed i’w wrthwynebu,” meddai’r Ysgrifennydd Brexit Cysgodol, Keir Starmer.

“Mae’n bwysicach nag erioed o’r blaen bod y senedd yn cael ei ail-alw ac yn cael cyfle i graffu ar y dogfennau yma, ac yn cymryd y camau sydd eu hangen er mwyn stopio Brexit heb fargen.”

Cafodd y senedd ei diddymu dros dro ar nos Lun (Medi 9) er gwaetha’r gwrthwynebiad gan Aelodau Seneddol, a fyddan nhw ddim yn dychwelyd tan Hydref 14.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones