Etholiad “ar ei ffordd” meddai Jeremy Corbyn, “ond ar delerau’r bobol”

 
Jeremy Corbyn yn siarad

Jerremy Corbyn

Llun: Chatham House CC2.0

Mae Jeremy Corbyn wedi rhybuddio Boris Johnson bod etholiad cyffredinol “ar ei ffordd”, ond nid ar delerau’r Prif Weinidog, wrth i’r arweinydd Llafur lansio ei ymgyrch dros etholiad nad yw eto i bleidleisio drosto.

Roedd Jeremy Corbyn wedi bygwth “rhyddhau’r ymgyrch fwyaf gan bobol a welsom erioed” wrth annerch aelodau undeb yng Nghyngres TUC yn Brighton heddiw (dydd Mawrth, Medi 10).

Ac fe gyhuddodd y Prif Weinidog o “redeg i ffwrdd rhag y craffu” ar ddiwrnod cyntaf cau’r Senedd i lawr am bump wythnos.

Hyd yn hyn nid yw arweinwyr yr wrthblaid wedi cefnogi’r pleidleisiau, a oedd angen cefnogaeth dwy ran o dair o ASau, oherwydd eu bod yn ofni y gallai gael ei ddefnyddio i orfodi trwy Brexit heb gytundeb.

“Ni all unrhyw un ymddiried yng ngair Prif Weinidog sy’n bygwth torri’r gyfraith i orfodi’r dim cytundeb trwyddo,” meddai Jeremy Corbyn wrth aelodau’r TUC.

“Felly mae etholiad cyffredinol ar ei ffordd. Ond ni fyddwn yn caniatáu i Johnson bennu’r telerau.

“A gallaf ddweud hyn wrthych; rydyn ni’n barod ar gyfer yr etholiad hwnnw. Rydyn ni’n barod i ryddhau’r ymgyrch fwyaf pwerus i bobol ei gweld erioed.”

Gwleidyddiaeth

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer