Liam Fox yn ymddiswyddo

 


Liam Fox
Mae’r Ysgrifennydd Amddiffyn Liam Fox wedi ymddiswyddo yn dilyn honniadau am ei berthynas waith gyda’i ffrind Adam Werrity.

Mewn llythyr at y Prif Weinidog David Cameron, dywedodd ei fod ‘gwneud camgymeriad’ wrth ddylu’r ffiniau rhwng ei ddyletswyddau proffesiynol a phersonol.

Roedd llawer wedi beirniadu Liam Fox am ganiatáu i’w ffrind Adam Werritty fynd gydag ef ar 18 ymweliad swyddogol dramor er nad oedd ganddo reswm swyddogol dros wneud hynny.

“Mae oblygiadau hyn i gyd wedi dod yn gliriach i mi yn ystod y dyddiau diwethaf ” meddai, gan ychwanegu fod yn wir ddrwg ganddo am hyn sydd wedi digwydd.

“Rwyf wedi dweud bod yn rhaid i les y genedl ddod o flaen lles personol droeon. Mae’n rhaid i mi fod yn driw i’m safonau personol rŵan,” meddai. “Rwyf felly, gyda chryn dristwch, wedi penderfynu ymddiswyddo fel Ysgrifennydd Amddiffyn.”

Dywedodd y Prif Weinidog bod Mr Fox wedi gwneud “gwaith gwych” yn y Weinyddiaeth Amddiffyn ac er ei fod yn derbyn ei resymau dros ymddiswyddo, roedd yn ddrwg ganddo’i weld yn mynd.

Dywedodd y Gweinidog Cyflogaeth Chris Grayling sy’n gefnogwr agos i Dr Fox, gan arwain yr ymgyrch i’w ethol yn arweinydd y Ceidwadwyr yn 2005, ei fod wedi “gwneud penderfyniad dewr ac o bosib y penderfyniad cywir. Mae wedi gwneud gwaith arbennig yn y Weinyddiaeth Amddiffyn mewn cyfnod tu hwnt o anodd.”

Dywedodd Llefarydd yr Wrthblaid dros Amddiffyn, Jim Murphy bod ymddiswyddiad Dr Fox yn anochel gan ei fod wedi torri’r rheolau.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer