Pobol yn fwy diamynedd – cyfryngau cymdeithasol a’r We yn cael y bai

 

Cyfryngau cymdeithasol

Llun: CC0

Mae amynedd pobol gwledydd Prydain yn mynd yn llai a llai, diolch i gyfleusterau modern fel y cyfryngau cymdeithasol a chyflymder y We, yn ôl ymchwil newydd.

Mae tri chwarter y 2,000 o oedolion a gyfrannodd at astudiaeth y cwmni marchnata, BIC UK and Ireland, yn nodi bod datblygiadau technegol fel e-docynnau, ffonau clyfar a theledu ar-alw yn eu gwneud yn fwy diamynedd.

Fe gafodd yr ymchwil ei gynnal wrth i’r cwmni lansio math newydd o feiros jêl, sef y BIC Gel-coity Quick Dry Gel pens, ar gyfer sgrifennwyr sydd wedi hen alaru ar aros i inc sychu ar bapur – gydag aros 20 eiliad yn ddigon o rwystredigaeth i rai, meddai’r arolwg.

Ffeithiau eraill

Ymhlith darganfyddiadau eraill yr arolwg mae’r ffaith bod gyrwyr yn dechrau mynd yn ddiamynedd wrth aros dim ond 25 eiliad i oleuadau traffig newid.

Mae aros 22 eiliad i raglen deledu neu ffilm lwytho ar-lein yn ddigon i dynnu gwallt o bennau pobol, ac mae oedi o 35 munud wrth aros am drên yn ddigon i wylltio rhai eraill.

Ond pan mae’n dod at dderbyn llythyr personol drwy’r post, mae pobol yn fodlon aros 3.7 diwrnod amdano, meddai’r arolwg ymhellach.

“Diolch i dechnoleg, mae bywyd modern yn symud yn gynt nag erioed, ond mae’n ymddangos ein bod ni’n dal i fod yn barod i aros ychydig yn hwy am lythyr personol hen ffasiwn,” meddai llefarydd ar ran BIC UK and Ireland.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones