“Boris Johnson yn mynd i fod yn brif weinidog gwych” – Donald Trump

Diweddarwyd am  

Boris Johnson

Llun parth cyhoeddus

Mae Boris Johnson “yn mynd i fod yn brif weinidog gwych”, meddai Donald Trump, Arlywydd yr Unol Daleithiau, ar ôl i’r ddau arweinydd gwrdd am y tro cyntaf ers i’r Ceidwadwr olynu Theresa May.

“Ydych chi’n gwybod pwy yw hwn, ydy pawb yn gwybod?” oedd cwestiwn Donald Trump yn ystod cynhadledd y wasg yn Biarritz, lle mae’r ddau yn cymryd rhan yn nharafodaethau’r G7.

“Mae e’n mynd i fod yn brif weinidog gwych, galla i ddweud wrthoch chi.”

Ac mae Donald Trump eisoes yn dweud bod yna wahaniaeth yn ei berthynas â’r prif weinidog newydd o’i chymharu â’r berthynas rhyngddo fe a Theresa May.

Mae’n dweud mai Boris Johnson yw’r “dyn cywir ar gyfer y gwaith” o sicrhau Brexit.

“Dw i wedi bod yn dweud hynny ers amser hir. Doedd hynny ddim wedi gwneud eich rhagflaenydd yn hapus iawn,” meddai wrth annerch Boris Johnson yn uniongyrchol.

Ond perthynas ansefydlog?

Er iddo ganmol Boris Johnson, dydy Donald Trump ddim yn cydweld â fe ar nifer o faterion sy’n cael sylw yn ystod trafodaethau’r G7.

Mae Boris Johnson yn awyddus i dynnu sylw at nifer o broblemau sy’n wynebu’r ddau wrth iddyn nhw geisio sicrhau cytundeb masnach sy’n bodloni’r ddwy wlad.

Mae’n dweud bod angen gwella mynediad i’r farchnad i longau a ffermwyr yn yr Unol Daleithiau.

Ac wrth gyfeirio at yr anghydfod rhwng yr Unol Daleithiau a Tsieina, dywedodd Boris Johnson fod Prydain “o blaid heddwch masnach ar y cyfan”.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer