“Fe fyddwn ni’n eich anfon chi’n ôl” – neges Boris Johnson i ffoaduriaid

Diweddarwyd am  
Boris Johnson yn siarad gyda meic yn ei law

Boris Johnson

Llun parth cyhoeddus gan swyddfa Ysgrifennydd Gwladol America trwy Commons Wikimedia

Mae Boris Johnson wedi dweud wrth ffoaduriaid am beidio croesi’r Sianel neu “fe fyddwn ni’n eich anfon chi’n ôl”.

Daw sylwadau Prif Weinidog Prydain ar ôl i bron i gant o bobol geisio croesi’r môr o Ffrainc o fewn un diwrnod.

Mae’r newyddion wedi arwain at yr Ysgrifennydd Cartref Priti Patel yn gofyn am gyfarfod gyda Ffrainc am y sefyllfa.

“Yn amlwg y peth pwysicaf yw eu hatal rhag dod ar draws o Ffrainc felly rydyn ni’n gweithio’n agos iawn gydag awdurdodau Ffrainc,” meddai Boris Johnson.

“Dyma’r pwynt y byddwn i’n ei wneud i bobl sy’n ystyried gwneud y siwrnai hon – un, mae’n beryglus iawn, efallai eich bod chi’n meddwl bod y tywydd yn edrych yn wych ond mae’n beth peryglus iawn, iawn i’w wneud.

“Yr ail beth yw – byddwn yn eich anfon yn ôl. Ni ddylid ystyried gwledydd Prydain fel man lle y gallech ddod yn awtomatig i dorri’r gyfraith trwy geisio cyrraedd yn anghyfreithlon.”

Cafodd awdurdodau eu galw i o leiaf saith digwyddiad ddydd Iau (Awst 22) yn ymwneud â 94 o bobol oedd yn ceisio croesi’r dŵr o Ffrainc i gyrraedd gwledydd Prydain.

Yn gynharach yn y bore, dywedodd gwylwyr y glannau yn Ffrainc eu bod wedi dod o hyd i 24 o ffoaduriaid, gan gynnwys saith o blant a dynes, yn ceisio croesi’r Sianel.

Gwleidyddiaeth

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer