Trefniadau’r ffin ag Iwerddon yn “annemocrataidd”

Diweddarwyd am  

Boris Johnson

Llun parth cyhoeddus

Mae Boris Johnson wedi anfon llythyr at un o uwch-swyddogion yr Undeb Ewropeaidd yn dweud bod y trefniadau ynglŷn a’r ffin yn Iwerddon yn “annemocrataidd”.

Mewn llythyr at Lywydd Cyngor yr Undeb, Donald Tusk, mae’r Prif Weinidog yn mynnu na fydd yn cefnogi cytundeb Brexit a fydd yn gadael i reolau Ewrop gael eu gweithredu yng Ngogledd Iwerddon.

Mae angen datrysiad “hyblyg a chreadigol” a “threfniadau amgen” er mwyn osgoi ffin galed, meddai, ac mae’n cynnig i ymrwymiad o’r fath gael ei roi mewn lle mor bell ag sy’n bosib cyn diwedd y cyfnod trosglwyddo.

Ond os na fydd y trefniadau mewn lle erbyn diwedd y cyfnod trosglwyddo, fe fyddai gwledydd Prydain yn “barod i edrych yn adeiladol ac yn hyblyg ar ba ymrwymiadau fydd o gymorth”, ychwanega.

Rybuddion am ffin galed

Yn y cyfamser, mae yna alwadau ar Boris Johnson i sicrhau na fydd yna ffin galed rhwng Gogledd Iwerddon a Gweriniaeth Iwerddon.

Yn ôl llefarydd yr wrthblaid ar Ogledd Iwerddon, Tony Lloyd, mae Brexit dim cytundeb yn “peryglu swyddi, hawliau … ac heddwch yng Ngogledd Iwerddon”.

Daw’r alwad wedi i aelod blaenllaw o’r Senedd yn yr Unol Daleithiau rybuddio y byddai’r ddeddfwrfa honno yn atal unrhyw gytundeb masnach gyda gwledydd Prydain os bydd Cytundeb Dydd Gwener y Groglith yn cael ei beryglu mewn unrhyw fodd.

Mae Chuck Schumer, arweinydd y Democratiaid yn y Senedd, hefyd wedi galw ar weinyddiaeth Donald Trump i roi’r gorau i wneud addewidion am gytundeb masnach “diamod ac afrealistig” gyda gwledydd Prydain.

Mae ei rybuddion hefyd wedi cael eu hanfon at yr Ysgrifennydd Tramor, Dominic Raab.

Gwleidyddiaeth

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer