Teyrngedau i blismon gafodd ei ladd

 
Car heddlu ar y stryd fawr

Llun parth cyhoeddus

Mae 10 o bobl yn dal yn ddalfa ar ôl i blismon ifanc farw wedi iddo gael ei lusgo gan gerbyd yn Berkshire yn ne Lloegr.

Fe fu farw Pc Andrew Harper, 28 oed, yn dilyn “digwyddiad difrifol” tua 11.30 nos Iau ar yr A4 rhwng Reading a Newbury.

Dywed Heddlu Dyffryn Tafwys fod 10 o fechgyn a dynion rhwng 13 a 30 oed wedi cael eu harestio ar amheuaeth o lofruddio a’u bod yn y ddalfa mewn amryw o orsafoedd heddlu.

Dywedodd y Prif Gwnstabl John Campbell i Pc Harper ymuno fel cwnstabl arbennig yn 2010 cyn dod yn blismon flwyddyn yn ddiweddarach, ac i’r trychineb ddigwydd bedair wythnos yn unig ar ôl ei briodas.

“Roedd yn aelod uchel ei barch a phoblogaidd o’r tîm,” meddai John Campbell.

“Mae pawb yn dweud y bydd colled enfawr ar ei ôl fel plismon ac fel ffrind.

“Fe fydd baneri’r heddlu’n hedfan ar hanner y mast fel arwydd o barch er anrhydedd a chof am Andrew.”

Dywedodd y prif weinidog Boris Johnson fod yr ymosodiad ffiaidd yn ei ddychryn a’i gythruddo, gan ailadrodd ei addewid i gyflogi 20,000 yn fwy o blismyn a dedfrydau hirach o garchar i droseddwyr treisgar.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn