Pryder ynglŷn â’r defnydd o gamerâu adnabod wyneb

 

Llun: CC0

Mae sefydliadau a grwpiau yn poeni am y defnydd o gamerâu adnabod wyneb mewn lleoliadau ar draws gwledydd Prydain.

Yn ôl ymchwil, mae’r dechnoleg wedi cael ei ddefnyddio mewn canolfannau siopa, amgueddfeydd a chanolfannau cynhaledd.

Mae’r grŵp rhyddid sifil Big Brother Watch, oedd yn gyfrifol am yr ymchwil, wedi labelu’r defnydd fel “epidemig” a dywed fod ei ddefnydd mewn safleoedd preifat yn bryderus iawn.

Dywed y grŵp fod canolfan siopa Meadowhall yn Sheffield wedi cynnal treialon o’r dechnoleg y llynedd, tra bod Amgueddfa’r Byd yn Lerpwl a chanolfan gynadledda Millennium Point yn Birmingham hefyd wedi’u henwi yn ei ymchwiliad fel lleoliadau.

Ddoe (dydd Iau, Awst 16) cyhoeddodd Swyddfa’r Comisiynydd Gwybodaeth y byddai’n lansio ei ymchwiliad ei hun i’r defnydd o gamerâu adnabod wynebau ar ôl datgelu bod sganwyr yn cael eu defnyddio yn ardal King’s Cross yn Llundain.

Dywedodd y corf, sy’n gwarchod data a phreifatrwydd yng ngwledydd Prydain, ei fod yn “poeni’n fawr am y defnydd cynyddol o dechnoleg adnabod wynebau mewn mannau cyhoeddus.”

Fframwaith cyfreithiol

Dywedodd Pwyllgor Gwyddoniaeth a Thechnoleg Tŷ’r Cyffredin fis diwethaf y dylai awdurdodau roi’r gorau i brofi’r dechnoleg nes bod fframwaith cyfreithiol yn cael ei sefydlu.

Dywedodd Aelodau Seneddol bod y diffyg deddfwriaeth yn cwestiynu sail gyfreithiol y profion.

Mewn adroddiad ar agwedd y Llywodraeth tuag at fiometreg a fforensig, cyfeiriodd yr ASau at brofion adnabod wynebau awtomatig gan yr Heddlu Metropolitan a Heddlu De Cymru.

Gwleidyddiaeth

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer