Annog y Democratiaid Rhyddfrydol i gefnogi cynllun gwrth-Brexit

 
Jo Swinson, arweinydd newydd y Democratiaid Rhyddfrydol

Jo Swinson, arweinydd y Democratiaid Rhyddfrydol

Llun oddi ar wefan y Democratiaid Rhyddfrydol

Mae’r Democratiaid Rhyddfrydol wedi cael eu hannog i gefnogi cynllun gwrth-Brexit a fyddai’n arwain at benodi Jeremy Corbyn yn Brif Weinidog dros dro.

Dan y cynllun byddai pleidlais diffyg hyder yn cael ei gynnal, byddai dyddiad yr ymadawiad yn cael ei wthio’n bellach i’r dyfodol, a byddai etholiad cyffredinol yn cael ei danio.

A hyd yma mae’r Blaid Lafur, Plaid Cymru, a’r SNP wedi cefnogi’r syniad.

Ond dyw’r pleidiau ‘Aros’ ddim i gyd o blaid penodi arweinydd y Blaid Lafur yn Brif Weinidog ac mae Jo Swinson, arweinydd y Democratiaid Rhyddfrydol, wedi galw’r cynllun yn “nonsens”.

Ystyried pob opsiwn

Bellach mae Nicola Sturgeon, Arweinydd yr SNP, wedi ymyrryd gan alw ar y Democratiaid Rhyddfrydol i “ailfeddwl”.

“Nid awgrym Jeremy Corbyn yw’r unig opsiwn posib,” meddai Nicola Sturgeon wrth y BBC. “Ond o ystyried y sefyllfa, ddylwn ni beidio â diystyru unrhyw beth ar hyn o bryd.

“Dim fi yw ffan pennaf Jeremy Corbyn, a dyw hynna ddim yn gyfrinach. Ond wnawn ddim cefnu ar unrhyw opsiwn os ydy hynny’n helpu ni i osgoi catastroffi Brexit heb ddêl.”

Y cynllun

Nod Jeremy Corbyn yw galw cynnig diffyg hyder unwaith mae Aelodau Seneddol yn dychwelyd i Dŷ’r Cyffredin ar Fedi 3. Byddai angen cefnogaeth mwyafrif o’r aelodau i wneud hynny.

Mi fyddai wedyn yn gofyn am estyniad i broses Erthygl 50 er mwyn gohirio ymadawiad y Deyrnas Unedig o’r Undeb Ewropeaidd.

Ag yntau’n Brif Weinidog byddai modd iddo gyflwyno cynnig am etholiad cyffredinol cynnar. Byddai’n rhaid i ddau draean o Aelodau Seneddol gefnogi hynny er mwyn ei basio.

 

Gwleidyddiaeth

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer