Addewid i ymestyn pwerau’r heddlu i stopio a chwilio

Diweddarwyd am  

Mae Boris Johnson, prif weinidog Prydain, wedi ymestyn hawl yr heddlu i stopio a chwilio unigolion sydd wedi’u hamau o droseddau treisgar, gan addo cyflwyno cosbau llymach ar gyfer y fath droseddau.

Mae’n dweud ei fod yn benderfynol o fynd i’r afael â’r niferoedd cynyddol o droseddau â chyllyll ac agweddau di-hid y troseddwyr sy’n dod yn fwyfwy cyffredin.

Bydd Llywodraeth Prydain yn buddsoddi £2.5m i greu 10,000 yn rhagor o lefydd mewn carchardai, meddai, a hynny er mwyn sicrhau bod troseddau difrifol a throseddau rhyw yn cael eu cosbi’n ddigonol.

Roedd e eisoes wedi amlinellu ei fwriad i sicrhau 20,000 yn rhagor o swyddi i blismyn dros gyfnod o dair blynedd.

Gwrthwynebu ymestyn y cynllun stopio a chwilio

Yn ôl Diane Abbott, llefarydd diogelwch cartref Llafur, mae ymestyn yr hawl i stopio a chwilio yn debygol o waethygu’r sefyllfa, nid ei gwella.

Mae’n dweud bod y cynllun yn “rysait ar gyfer anhrefn, ac nid ar gyfer lleihau trais”.

Daw’r cyhoeddiad ddyddiau’n unig ar ôl i blismon gael ei drywanu sawl gwaith â machete yn nwyrain Llundain.

Bydd ymestyn y cynllun yn golygu rhoi’r hawl i blismyn stopio a chwilio unigolion sydd wedi’u hamau o drosedd dreisgar heb fod angen awdurdod uwch-swyddog yr heddlu.

Mae Boris Johnson yn cydnabod fod y cynllun yn un dadleuol, ond mae’n dweud ei fod yn ffyddiog o sicrhau cefnogaeth rhieni’r plant sy’n wynebu risg o ganfod eu hunain yng nghanol troseddau â chyllyll.

Mae’r Ymddiriedolaeth Diwygio Carchardai yn dweud bod cyflwyno’r cynllun dro ar ôl tro a disgwyl “canlyniadau gwahanol” yn “gamgymeriad”.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer