Disgwyl “panig” os bydd Brexit heb gytundeb

Diweddarwyd am  

Canlyniadau etholiadau Ewrop fesul Sir – gyda’r môr o las yn cynrychioli plaid Brexit

Llun o wefan Wikipedia

Fe allai Brexit heb gytundeb greu “panig” a gwneud bwyd yn brin “o fewn pythefnos” i’r penderfyniad, yn ôl un o ddogfennau Llywodraeth Prydain.

Mae’r ddogfen, sydd wedi cael ei pharatoi ar gyfer gweinidogion ac sydd wedi glanio yn nwylo Sky News, yn dweud y gallai’r bunt ddisgyn yn y mis cyntaf.

Mae’r gair “sensitif” ar y ddogfen sy’n rhybuddio y gall pobol o wledydd Prydain yn yr Undeb Ewropeaidd, golli mynediad i wasanaethau a hawliau preswyl o fewn y 24 awr gyntaf o Brexit heb gytundeb.

Daeth y ddogfen i’r fei ddoe (dydd Iau, Awst 1) wrth i’r Prif Weinidog Boris Johnson barhau i ailadrodd ei addewid i adael yr Undeb Ewropeaidd ar Hydref 31, bargen newydd neu beidio.

Cafwyd y newyddion wrth i’r Canghellor Sajid Javid gyhoeddi cyllideb o £2.1bn i baratoi at Brexit heb gytundeb.

Yn ôl Sky News roedd y ddogfen wedi’i pharatoi yn ystod wythnosau olaf Theresa May yn Brif Weinidog.

Mae’r Press Association ar ddeall fod y ddogfen wedi cael ei dangos i weinidogion ond heb gael ei harwyddo gan y Llywodraeth, sy’n golygu nad yw yn bolisi swyddogol.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones