Ofcom: rheolau newydd i ddiogelu cyfranwyr mewn sioeau teledu a radio

 
Logo Love Island

Love Island

Llun: ITV2

Mae Ofcom wedi cyhoeddi ei fod yn bwriadu cyflwyno rheolau newydd i ddiogelu pobol sy’n cymryd rhan mewn sioeau teledu a radio, a sicrhau eu bod nhw’n cael y gofal priodol gan ddarlledwyr.

Dywedodd y rheoleiddiwr y bydd yn cyflwyno dwy reol newydd i’r Cod Darlledu a fydd yn diogelu lles y rhai sy’n cymryd rhan mewn sioeau realiti, dogfennau, rhaglenni newyddion a materion cyfoes, rhaglenni cwis, cystadlaethau talent a ffurfiau eraill o raglenni ffeithiol ac adloniant. Ond ni fydd yn cynnwys dramâu, operâu sebon a rhaglenni comedi.

Fe fydd Ofcom yn cynnig canllawiau i helpu darlledwyr i weithredu’r rheolau newydd ac mae wedi eu gwahodd i gynnig adborth cyn cyhoeddi penderfyniad terfynol yn y gaeaf.

Daw’r rheolau newydd yn dilyn cyfres o gwynion i Ofcom ynglŷn â rhaglenni fel Celebrity Big Brother a Love Island y llynedd.

Roedd marwolaethau dau o gyn-gystadleuwyr y gyfres ar ITV, Sophie Gradon a Mike Thalassitis, wedi arwain at ragor o sylw i’r gofal sy’n cael ei roi i gystadleuwyr ar ôl i’r gyfres ddod i ben.

Mae’r darlledwr wedi cyhoeddi ei fod wedi gwella’r gofal sy’n cael ei roi wedi’r sioe, gan gynnwys sesiynau therapi.

Cafodd y Jeremy Kyle Show ei sgrapio yn dilyn marwolaeth un o’r cyfranwyr Steve Dymond. Mae’r Pwyllgor Diwylliant, Cyfryngau a Chwaraeon wedi lansio ymchwiliad i deledu realiti.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer