Brexit: byddai arweinwyr Ewrop yn “anfodlon rhoi estyniad arall”

 

Leo Varadkar, Taoiseach Iwerddon

Llun: Llywodraeth Estonia

Fe fyddai arweinwyr yr Undeb Ewropeaidd yn “anfodlon iawn” rhoi estyniad arall i Brexit, yn ôl Prif Weinidog Iwerddon.

Fe rybuddiodd Leo Varadkar bod llawer o wledydd Ewrop yn teimlo’n rhwystredig iawn oherwydd yr estyniadau parhaus i’r broses ond nid oedd yn diystyru’r posibilrwydd yn gyfan gwbl.

Daw’r sylw yn dilyn rhybudd Gweinidog Tramor Iwerddon, Simon Coveney, bod Brexit heb gytundeb yn debygol iawn.

Mae Llywodraeth Iwerddon yn cyhoeddi cynllun newydd ar ei baratoadau ar gyfer Brexit fory (dydd Mawrth, Gorffennaf 9) wrth ddisgwyl am ymadawiad gwledydd Prydain o’r Undeb Ewropeaidd ar Hydref 31.

“Byddai llawer o amharodrwydd ymysg prif weinidogion Ewrop i ganiatáu estyniad arall y tu hwnt i Hydref 31,” meddai Leo Varadkar.

“Yn sicr, ni fyddem yn ei ddiystyru ac o safbwynt Iwerddon byddem yn barod i roi estyniad arall i wledydd Prydain.

“Ond rwy’n credu bod llawer o wledydd eraill Ewrop wedi mynd yn rhwystredig iawn gyda’r estyniadau parhaus, felly pe bai estyniad arall byddai’n rhaid i hynny fod am reswm penodol.”

 

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones