Dros 1,000 o bleidleiswyr y Ceidwadwyr wedi derbyn mwy nag un papur

 
Papur pleidleisio'n cael ei roi yn y blwch

Pleidleisio

Llun: Michael Swan CCA3.0

Mae adroddiadau bod dros 1,000 o bleidleiswyr y Blaid Geidwadol wedi derbyn mwy nag un papur pleidleisio ar gyfer etholiad arweinyddol y blaid.

Fe allai’r broblem fod wedi codi o ganlyniad i bobol sydd wedi cofrestru gartref ac yn y gweithle, a’r rheiny sydd wedi newid eu henwau’n gyfreithlon.

Mae’r blaid yn pwysleisio y bydd unrhyw un sy’n pleidleisio mwy nag unwaith yn cael ei wahardd o’r blaid.

“Mae’n nodi’n glir iawn ar y papur pleidleisio mai unwaith yn unig y cewch chi bleidleisio,” meddai Syr Patrick McLoughlin, cadeirydd ymgyrch Jeremy Hunt wrth raglen Today ar BBC Radio 4.

“Dw i’n disgwyl i aelodau’r Ceidwdadwyr ddilyn hynny.

“All e ddim bod yn fwy clir, mae yno ar y papur pleidleisio yn dweud mai unwaith yn unig y cewch chi bleidleisio ar yr un achlysur, a dw i’n disgwyl i bobol wneud hynny.”

‘Mynd i’r afael â’r broblem’

Mae Iain Duncan Smith, cadeirydd ymgyrch Boris Johnson, yn dweud bod angen i’r Blaid Geidwadol fynd i’r afael â’r broblem.

“Mae’n amlwg fod yna broblem fan hyn, dw i’n derbyn hynny,” meddai ar yr un rhaglen.

“Mae’r mater hwn yn codi ym mhob etholiad, lle mae pobol yn cael eu cofrestru ar wahân, ac mae’n glir iawn ar y papurau pleidleisio… na chewch chi bleidleisio mwy nag unwaith.

“Ond mae’n glir hefyd fod rhaid i’r Blaid Geidwadol barhau i weithio ac edrych ar sut i ddatrys hyn yn iawn fel eu bod yn adnabod pwy ydi pwy.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer