Dod o hyd i wenynen brin yn Swydd Gaint

 

Mae amgylcheddwyr wedi dod o hyd i wenynen brin mewn safle sydd wedi ei chlustnodi ar gyfer hybu bywyd gwyllt.

Cafodd y ‘Gardwenynen Feinllais’ ei chanfod ar dir amaethyddol yn Swydd Gaint sydd wedi cael ei drawsnewid i fod yn ddôl o flodau gwylltion.

Mae’r wenynen fach, sydd ond yn gentimetr o hyd, yn ffynnu mewn ardaloedd sy’n llawn blodau, ac yn hoff o ymgartrefu mewn safleoedd sydd â phorfeydd hirion.

Mae poblogaeth y wenynen yng ngwledydd Prydain wedi dirywio dros y blynyddoedd wrth i borfeydd ddiflannu, ond mae amgylcheddwyr yn ymwybodol o’i phresenoldeb mewn rhai safleoedd yn Lloegr a Chymru, gan gynnwys llwybr yr arfordir ger Baglan.

Mae ardal Victory Wood yn Swydd Gaint, sydd yng ngofal Coed Cadw, bellach wedi ei hychwanegu at restr y safleoedd hynny, ac mae amgylcheddwyr wedi disgrifio’r canfyddiad diweddaraf fel un “mawr”.

“Rydyn ni wedi bod yn credu ers tro bod y wenynen yn bodoli yn y safle yn dilyn cofnod tua blwyddyn yn ôl,” meddai Claire Inglis, un o reolwyr Victory Wood a ddaeth o hyd i’r ‘Gardwenynen Feinllais’.

“Ond mae ei gweld a’m llygaid fy hun yn brofiad gwych.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019