Rhybudd y byddai Brexit heb gytundeb yn gwahanu gwledydd Prydain

Diweddarwyd am  

Philip Hammond, Canghellor y Trysorlys

Llun: Chris McAndrew CC3.0 trwy Commons Wikimedia

Mae’r Canghellor Philip Hammond yn rhybuddio y byddai Brexit heb gytundeb yn taro arian cyhoeddus y wlad, yn niweidio’r economi ac yn arwain at wahanu gwledydd Prydain.

Fe fydd yn dweud hyn mewn araith yn Llundain heddiw (Dydd Iau, Mehefin 20) gan nodi fod angen “Plan B Brexit” ar ymgeiswyr arweinyddiaeth y Torïaid, gan awgrymu efallai bydd angen refferendwm arall i setlo’r sefyllfa.

Yn ôl Philip Hammond byddai’r £26.6bn o gyllid a all gael ei ddefnyddio i godi gwariant neu leihau treth, yn cael ei roi tuag at Brexit heb gytundeb.

“Ni allaf ddychmygu Llywodraeth Geidwadol sy’n cael ei harwain gan yr Unoliaethwyr fynd ar drywydd Brexit heb unrhyw fargen a bod yn barod i beryglu’r undeb a’n ffyniant economaidd,” dywed Philip Hammond.

Mae’r Canghellor yn honni byddai hyn yn cyflwyno’r risg o etholiad cyffredinol a all roi arweinydd y Blaid Lafur, Jeremy Corbyn, yn Rhif 10.”

“Plan B”

Mae angen “Plan B” ar ymgeiswyr arweinyddiaeth y Torïaid fyddai’n llunio beth yn digwydd ar ôl Brexit, meddai Philip Hammond.

Ei gred yw na fyddai’r San Steffan yn caniatáu Brexit heb gytundeb – fel mae hi wedi gwneud yn barod yn gwrthwynebu Cytundeb Ymadael y Prif Weinidog Theresa May.

“Os na fydd modd cyflawni’ch cynllun A, mae peidio â chael cynllun B yn debyg i beidio â chael cynllun o gwbl,” meddai.

Tydi Philip Hammond heb ddatgelu pwy mae’n cefnogi fel arweinydd nesaf y Torïaid ond mae’n galw arnynt i “fod yn onest gyda’r cyhoedd.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer