Pedair llofruddiaeth mewn pedwar diwrnod yn Llundain

 

Mae pedwar o bobol wedi marw yn ninas Llundain yn ystod y pedwar diwrnod diwethaf, a hynny o ganlyniad i lofruddiaeth.

Mae cryn gynnwrf wedi bod yn y ddinas dros y penwythnos wrth i’r heddlu wrthdaro â thorfeydd treisgar ger canolfan siopa yn ardal Stratford yn nwyrain Llundain.

Y person diweddaraf i gael ei lofruddio yw dyn yn ei 40au, a gafodd ei drywanu i farwolaeth yn Whalebone Lane yn Stratford yn ystod oriau mân y bore ma (dydd Llun, Mehefin 17).

Daw’r digwyddiad yn dilyn llofruddiaeth tri pherson arall mewn cyfnod o 24 awr, gan gynnwys marwolaeth dau berson ifanc a gafodd eu lladd yn hwyr y prynhawn ddydd Gwener (Mehefin 14).

Mae’r Heddlu Metropolitan yn dweud eu bod nhw wedi cynyddu maint eu gweithgareddau mewn gwahanol rannau o’r ddinas.

Fe wnaethon nhw hyd yn oed weithredu Adran 60 yn ardal Newham, sy’n galluogi swyddogion i archwilio unrhyw berson er mwyn atal trais. Mae’r gorchymyn hwnnw mewn grym tan 6yh heddiw.

Beirniadu Sadiq Khan

Dros y penwythnos, fe gafodd Maer Dinas Llundain, Sadiq Khan, ei feirniadu gan Arlywydd yr Unol Daleithiau am fethu â delio â’r cynnydd mewn trais.

Mewn neges ar y cyfryngau cymdeithasol, fe alwodd Donald Trump am faer newydd ar y ddinas, gan fod yr un presennol yn “drychinebus” yn ei dyb ef.

Dywedodd Sadiq Khan nad yw’n mynd i “wastraffu amser” yn ymateb i sylwadau Donald Trump gan ei fod yn rhy brysur yn canolbwyntio ar gefnogi cymunedau.

Bu’r maer yn hyrwyddo fideo gwrth-drais ar Twitter heddiw fel rhan o ymgyrch ‘London Needs You Alive’.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones