Cadair wag i gymryd lle Boris Johnson yn nadl Channel 4

Diweddarwyd am  

Boris Johnson

Llun: Wicipedia

Er bod Boris Johnson wedi cytuno i gymryd rhan mewn dadl deledu nos Fawrth (Mehefin 18), cadair wag fydd yn cymryd ei le mewn dadl ar Channel 4 nos yfory (nos Sul, Mehefin 16).

Mae Channel 4 wedi cadarnhau y bydd y ddadl yn mynd yn ei blaen am 6.30yh gyda’r pum ymgeisydd arall yn wynebu cwestiynau gan gynulleidfa fyw.

Er ei fod ymhell ar y blaen yn y ras i olynu Theresa May, mae Boris Johnson wedi cael ei wawdio gan ei wrthwynebwyr oherwydd ei amharodrwydd i gymryd rhan mewn dadleuon.

Dywedodd yr ail yn y ras, Jeremy Hunt, y byddai’n werth dyfalu beth fyddai barn Winston Churchill o ddarpar brif weinidog a oedd yn “cuddio oddi wrth y cyfryngau”.

Dywedodd ymgeisydd arall, Dominic Raab, fod agwedd Boris Johnson yn codi amheuon a oedd ganddo’r dycnwch a’r asgwrn cefn i fod yn brif weinidog.

“Os nad ydych yn gallu wynebu her dadleuon teledu, pa siawns sydd gennych o ddygymod â gwres trafodaethau ym Mrwsel?” gofynnodd.

Enw Boris yn unig?

Mae ymateb chwyrn wedi bod hefyd i sibrydion am ymgais i berswadio gweddill yr ymgeiswyr dynnu’n ôl o’r ornest yr wythnos nesaf, gydag enw Boris Johnson yn unig yn mynd i’r bleidlais derfynol o aelodau cyffredin y Blaid Geidwadol.

Y gred yw bod chwipiaid y blaid yn awyddus i osgoi wythnosau o ymosodiadau’r ymgeiswyr ar ei gilydd a allai helpu’r blaid Lafur.

Mae un o’r ymgeiswyr sy’n dal ar ôl, Rory Stewart, wedi galw ar i bawb sy’n credu nad yw hyn yn syniad da i ysgrifennu at eu haelod seneddol.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer