Gwahardd Huawei o’r rhwydwaith 5G yn anfon “neges wael iawn”

 

Baner Tsieina

Llun: commons-wikimedia-CC0

Mae llysgennad o Tsieina wedi rhybuddio yn erbyn gwahardd y cwmni technoleg, Huawei, o’r rhwydwaith 5G yng ngwledydd Prydain.

Dywedodd Liu Xiaoming wrth y BBC y byddai cam o’r fath yn anfon “neges wael iawn” ac yn codi amheuon ymhlith cwmnïau o Tsieina ynglŷn â pha mor gyfeillgar yw gwledydd Prydain i fusnesau.

“Dw i’n meddwl y byddai’n anfon neges wael iawn… nid yn unig o ran masnach, ond o ran buddsoddi hefyd,” meddai’r llysgennad.

Mae Huawei yn un o’r cwmnïau technoleg mwyaf yn y byd sy’n meddu ar y dechnoleg i greu rhwydweithiau 5G.

Ond mae pryderon ynghylch cysylltiad y cwmni a Llywodraeth Tsieina, a’r posibilrwydd bod y llywodraeth honno yn defnyddio rhwydweithiau ar gyfer ysbïo.

Mae Huawei wedi gwadu’r amheuon hyn – er bod yr Unol Daleithiau yn annog ei chynghreiriaid i gadw draw o’r cwmni.

Mae Llywodraeth Prydain, ar y llaw arall, yn mynnu nad oes yr un penderfyniad wedi ei wneud ynghylch presenoldeb Huawei yn y rhwydwaith 5G arfaethedig.

Gwleidyddiaeth

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019