Teuluoedd a goroeswyr Grenfell yn siwio cwmnïau cladin

 
Tŵr Grenfell a fflamau a mwg yn codi ohono

Tŵr Grenfell yn llosgi

Llun: Natalie Oxford CCA 4.0

Mae teuluoedd y bobol gafodd eu lladd yn y tân ym mloc o fflariau Grenfell yn Llundain, ynghyd â rhai o’r rheiny ddaeth o’r tân yn fyw, wedi cadarnhau eu bod yn mynd â thri chwmni i gyfraith.

Maen nhw’n dweud bod y tri chwmni yn gyfrifol am y tân a laddodd fwy na 70 o bobol.

Mae achos ‘marwolaeth anghyfiawn’ wedi’i gofrestru heddiw (Mehefin 11) yn yr Unol Daleithiau, a hynny gan gyfreithwyr ychydig dros 200 o bobol.

Mae’r cwmnïau – Arconic, Celotex a Whirlpool – ill tri â’u pencadlys yn America, ac maen nhw’n cael eu henwi yn y ddogfen gyfreithiol sy’n rhestru 143 o gwynion a chyhuddiadau yn eu herbyn.

Arconic oedd yn gyfrifol am y cladin ar du allan yr adeilad yn North Kensington; Celotex oedd wedi darparu’r insiwleiddio ar gyfer y system gladin; a Whirlpool oedd cynhyrchydd y rhewgell lle y cynheuodd y tân.

Mae cyfreithwyr o ddau gwmni yn yr Unol Daleithiau yn dweud eu bod wedi galw am achos trwy reithgor yn Philadelphia, gyda’r nod o ennill iawndal ac arian i wneud yn iawn am golledion a difrol, ar ran 247 o bobol.

Arian a Busnes

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019