Donald Trump a’i wraig ar ymweliad tridiau â gwledydd Prydain

Diweddarwyd am  
Yr Arlywydd Donald Trump gyda'i wraig Melania yn cwrdd a Theresa May a'i gwr Philip May ym Mhalas Blenheim yn ystod ei ymweliad a'r Deyrnas Unedig

Yr Arlywydd Donald Trump gyda’i wraig Melania yn cwrdd a Theresa May a’i gwr Philip May ym Mhalas Blenheim yn ystod ei ymweliad a’r Deyrnas Unedig y llynedd

Llun: Stefan Rousseau / PA Wire

Mae Arlywydd yr Unol Daleithiau Donald Trump a’i wraig, Melania, wedi cyrraedd gwledydd Prydain heddiw (dydd Llun, Mehefin 3) ar gyfer ymweliad tridiau.

Cyn iddo adael y Tŷ Gwyn nos Sul, dywedodd Donald Trump ei fod yn disgwyl i’w ymweliad fod yn un “pwysig iawn” ac “yn bendant yn un diddorol iawn”.

Mae’r Arlywydd eisoes wedi corddi’r dyfroedd drwy ddatgan ei fod yn cefnogi Boris Johnson fel arweinydd nesaf y Blaid Geidwadol i olynu Theresa May. Mae hefyd wedi dweud ei fod yn credu y dylai Nigel Farage fod yn rhan o’r trafodaethau Brexit. Ac wrth iddo lanio yng ngwledydd Prydain bore ma fe ymosododd ar Faer Llundain Sadiq Khan. Fe ymatebodd yntau drwy ddweud y dylai “sylwadau sarhaus, plentynnaidd fod islaw Arlywydd yr Unol Daleithiau.”

Fe awgrymodd Donald Trump y gallai gwrdd â Boris Johnson a Nigel Farage yn ystod ei ymweliad.

“Maen nhw eisiau cwrdd. Gawn ni weld beth sy’n digwydd,” meddai.

Cyn ei ymweliad, roedd yr Arlywydd wedi galw ar wledydd Prydain i adael yr Undeb Ewropeaidd heb gytundeb os yw Brwsel yn gwrthod cynlluniau’r Llywodraeth. Mae hefyd wedi awgrymu y gallai cytundeb masnach fod yn rhan o’r trafodaethau yn ystod ei ymweliad.

Roedd Donald Trump a’i wraig wedi cyrraedd maes awyr Stansted bore ma cyn mynd i Balas Buckingham i gwrdd â’r Frenhines, Tywysog Charles a Duges Cernyw. Fe fydd Dug Sussex hefyd yn ymuno a’r Arlywydd am ginio preifat yn y palas. Mae Donald Trump wedi gwadu gwneud sylwadau sarhaus am Dduges Sussex.

Fe fydd hefyd yn cwrdd a’r Prif Weinidog Theresa May cyn iddi hi ymddiswyddo.

Mae disgwyl i ymweliad Donald Trump arwain at brotestiadau yng nghanol Llundain tebyg i’r rhai a gafwyd yn ystod ei ymweliad y tro diwethaf.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer