13 yn y ras i arwain y Ceidwadwyr erbyn hyn

 
Sam Gyimah

Sam Gyimah

Llun: Flickr

Sam Gyimah, y cyn-Weinidog Prifysgolion yn San Steffan, yw’r ymgeisydd diweddaraf i gyflwyno’i enw i arwain y Ceidwadwyr.

Mae’n golygu bod 13 o enwau bellach ar y rhestr i olynu Theresa May ac i fod yn Brif Weinidog nesaf gwledydd Prydain.

Fe ddaeth cadarnhad o’i ymgeisyddiaeth ar raglen Sophy Ridge on Sunday ar Sky.

‘Rhwystredigaeth’

Wrth egluro’i resymau, dywedodd ei fod yn dymuno “ehangu’r ras”.

“Mae yna ystod eang o ymgeiswyr ond mae yna set o safbwyntiau cul iawn ar Brexit yn cael eu trafod,” meddai.

“A thros yr wythnosau diwethaf, dw i wedi gwylio a thrafod gyda fy nghydweithwyr yn llawn rhwystredigaeth, er bod yna farn eang yn y wlad ynghylch y ffordd i symuad ymlaen ar adeg hanfodol, nad yw’n cael ei adlewyrchu yn y ras ar hyn o bryd.”

Y rhai sydd wedi cyflwyno’u henwau hyd yn hyn yw James Cleverly, Mark Harper, Michael Gove, Matt Hancock, Jeremy Hunt, Sajid Javid, Boris Johnson, Andrea Leadsom, Kit Malthouse, Esther McVey, Dominic Raab a Rory Stewart.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019