Sadiq Khan v John Cleese yn ffrae “Seisnigrwydd” Llundain

Diweddarwyd am  

John Cleese

Llun: Luc Van Braekel trwy Flickr

Mae Maer Llundain, Sadiq Khan, wedi cyhuddo’r comediwr, John Cleese, o ymddwyn “fel Basil Fawlty” yn dilyn sylwadau a wnaeth am ddinas Llundain.

Mae John Cleese wedi creu ffrae fawr ar-lein trwy awgrymu nad ydi Llundain yn “ddinas Seisnig” ddim mwy.

“Mae’r sylwadau yma gan John Cleese yn gwneud iddo swnio fel ei gymeriad, Basil Fawlty, yn y gyfres Fawlty Towers,” meddai’r Maer mewn ymateb.

“Mae Llundeinwyr yn gwybod mai yr amrywiaeth o bobol sy’n byw yn y ddinas ydi ein cryfder,” meddai Sadiq Khan eto.

“Rydan ni’n browd iawn i fod yn brifddinas Lloegr, yn ddinas Ewropeaidd, ac yn hwb rhyngwladol.”

Ond roedd John Cleese wedi rhannu neges gyda’i 5.6 miliwn o ddilynwyr fod cyfeillion iddo wedi cadarnhau ei amheuon nad yw Llundain bellach yn ddinas “Seisnig”, ac fe awgrymodd mai dyna oedd i gyfri fod Llundain wedi pleidleisio o blaid aros o fewn yr Undeb Ewropeaidd yn refferendwm Brexit.

Mae wedi cael ei gondemnio gan nifer fawr o bobol ar wefan gymdeithasol Twitter, a rhai’n gofyn iddo egluro beth yn union ydi “dinas Seisnig” heddiw.

Gwleidyddiaeth

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019