Rhaid i Lafur gefnogi ail refferendwm Brexit, meddai Tom Watson

 

Tom Watson AS

Llun: Portread swyddogol Ty’r Cyffredin

Mae Tom Watson, dirprwy arweinydd y Blaid Lafur, yn dweud fod rhaid i’r blaid gefnogi’r alwad am ail refferendwm Brexit er mwyn bod â gobaith o ennill yr etholiad cyffredinol nesaf.

Mae’n ofni fod diffyg penderfyniad y blaid yn mynd i’w niweidio pan fydd canlyniadau etholiadau Ewrop yn cael eu cyhoeddi.

Cyd-fynd â’i haelodau

Mae’n galw, mewn erthygl yn yr Observer, am sicrhau bod safbwynt y blaid yn cyd-fynd â safbwynt ei haelodau.

“Er lles ein plaid, ond yn fwyaf oll er lles Prydain, rhaid i Lafur ddarganfod asgwrn cefn ar Brexit, darganfod ein llais – a gwneud hynny’n gyflym,” meddai.

“Mae ein perfformiad yn ganlyniad uniongyrchol i’n cefnogaeth chwit-chwat i bleidlais gyhoeddus ar Brexit pan fo’n cael ei mynnu yn groch gan y rhan fwyaf sylweddol o’n haelodau a’n pleidleiswyr.

“Mae’r polau’n dangos bod Llafur wedi bod yn colli hyd at bedair gwaith yn fwy o bleidleiswyr i bleidiau sy’n cefnogi pleidlais y bobol yn llwyr nag i Farage.

“Ac mae’r union bolau hynny’n dangos y bydden ni wedi ei guro fe o bell ffordd pe baen ni wedi cefnogi pleidlais gyhoeddus ar unrhyw ffurf ar Brexit yn llwyr.

“Unwaith y daw’r canlyniadau i law, rhaid i ni gyfeirio ein rhwystredigaeth tuag at adennill y pleidleiswyr hynny.

“Ni all polisi Llafur ar fater pwysicaf ein cenhedlaeth fod ar yr ochr anghywir i’w haelodau a’i phleidleiswyr.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019