Arweinydd Tŷ’r Cyffredin yn ymddiswyddo oherwydd Brexit

 
Theresa May

Theresa May

Llun: Jette Carr (CC0)

Mae arweinydd Tŷ’r Cyffredin, Andrea Leadsom, wedi gadael y Cabinet oherwydd cynnig Brexit y Prif Weinidog.

Ymddiswyddodd y Tori gyda “chalon drom”, gan ddweud nad yw bellach yn credu y bydd dull y Llywodraeth yn cyflawni canlyniad y refferendwm i adael yr Undeb Ewropeaidd

Yn ôl Andrea Leadsom, doedd cynigion deddfwriaethol diweddar yn ymwneud â Brexit heb gael  eu “harchwilio na’u cymeradwyo’n briodol gan aelodau’r Cabinet”.

Mae hi hefyd o’r farn yn na fydd gwledydd Prydain yn “wirioneddol sofran” drwy’r cytundeb, a byddai ail refferendwm yn creu rhaniadau.

Mae hyn yn taflu hyd yn oed mwy o bwysau ar Theresa May, sy’n anghytuno gydag asesiad y cyn gweinidog, ond sy’n flin am ei cholli.

“Dydw i ddim yn cytuno â chi fod y fargen rydym wedi’i thrafod gyda’r Undeb Ewropeaidd yn golygu na fydd y gwledydd Prydain yn dod yn wlad sofran,” meddai Theresa May.

Aeth hi ymlaen i ddweud ei bod yn cytuno y byddai ail refferendwm yn peri rhwyg, ond dywed nad oedd y Llywodraeth yn bwriadu cynnal un.

 

Gwleidyddiaeth

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer