Protestiwr yn taflu ysgytlaeth at Nigel Farage yn Newcastle

Diweddarwyd  

NIgel Farage

Llun: Comin Wicimedia

Cafodd ysgytlaeth ei daflu at arweinydd y Brexit Party, Nigel Farage, wrth iddo ymgyrchu yn Newcastle heddiw (dydd Llun, mai 20).

Nigel Farage yw’r ymgyrchydd diweddaraf i wynebu digwyddiad o’r fath fel rhan o brotestiadau yn erbyn gwleidyddion ac ideolegwyr asgell-dde.

O fewn y pythefnos diwethaf cafodd ysgytlaeth ei daflu at ymgeisydd etholiad Ewrop UKIP, Carl Benjamin, a chyn-sylfaenydd yr English Defence League (EDL), Tommy Robinson.

Cafodd Nigel Farage ei hebrwng o’r safle gan swyddogion diogelwch wrth i’r protestiwr gael ei symud i ffwrdd gan swyddog yr Heddlu.

Dywedodd y protestiwr Paul Crowther, 32, o Newcastle: “Doeddwn i ddim yn gwybod ei fod o [Nigel Farage] yn y ddinas, a meddyliais mai dyma oedd fy unig gyfle,” meddai.

Ychwanegodd nad oedd yn edifar yr hyn a wnaeth.

Mewn fideo ar-lein mae Nigel Farage yn pwyntio bys at ei swyddogion diogelwch gan ofyn, “sut wnaethoch chi ddim gweld hynny? Gallech fod wedi gweld hynny o filltir i ffwrdd.”

Wrth drydar am y digwyddiad wedyn, dywedodd Nigel Farage: “Yn anffodus mae rhai o’r bobl sydd eisiau aros [yn rhan o’r UE] wedi cael eu radicaleiddio i’r fath raddau fel bod ymgyrchu arferol yn amhosib.”

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019