“Dim pwynt” i drafodaethau Brexit Llafur a’r Ceidwadwyr

Diweddarwyd am  
Baner Jac yr Undeb gyda'r gair Brexit drosti

Llun: CC0

Mae Cadeirydd Pwyllgor Brexit Llafur, Hilary Benn, yn dweud bod “dim pwynt” i drafodaethau Brexit Llafur a’r Ceidwadwyr barhau.

“Tydi hi ddim yn syndod nad oes datblygiad wedi digwydd dros y chwech wythnos maen nhw wedi bod yn trafod,” meddai ar raglen Today BBC Radio 4.

“Os nad oes unrhyw ddatblygiad am ddod, does dim pwynt parhau.”

Mae gobeithion y Prif Weinidog, Theresa May, o gael cefnogaeth Llafur i’w chytundeb yn diflannu’n araf yng nghanol rhwystredigaeth Jeremy Corbyn gyda’r diffyg cynnydd yn y trafodaethau.

Yn ôl adroddiadau’r BBC, mae trafodaethau rhwng y ddwy blaid wedi dod i ben heb gytundeb.

 “Methu creu pontydd”

Mewn llythyr i’r Prif Weinidog, Theresa May, dywed arweinydd y Blaid Lafur, Jeremy Corbyn, bod y trafodaethau wedi mynd “cyn belled ag y gallan nhw”.

“Mae hi wedi dod yn amlwg, er bod rhai meysydd lle mae cyfaddawd wedi bod yn bosib, nad ydym wedi gallu creu pontydd o ran bylchau polisïau sydd rhyngom.

“Yn fwy na hynny, mae gwendid ac ansefydlogrwydd cynyddol eich llywodraeth yn golygu na allwn fod yn hyderus y bydd be bynnag sy’n cael ei gytuno yn mynd drwyddo.”

Fe fydd Llafur yn parhau i wrthwynebu cytundeb Brexit Theresa May.

 “Y ddau eisiau Brexit”

Yn ôl Arweinydd Plaid Cymru yn San Steffan, yr Aelod Seneddol Liz Saville Roberts, yr “unig opsiwn ar ôl yw cynnal pleidlais y bobol”.

“Mae’r Ceidwadwyr a Llafur yn parhau i fod wedi ymrwymo i sicrhau Brexit, felly mewn llawer o ffurf mae’n syndod nad oes cytundeb wedi’i wneud,” meddai.

“Rydym yn gwybod, p’un a yw’n Brexit coch, glas neu unrhyw liw arall, bydd Cymru yn wynebu canlyniadau economaidd difrifol. Fel Plaid Cymru, ni allwn adael i’n gwlad gael ei niweidio o ganlyniad i anallu San Steffan.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Perthynas gymhleth Cymru a Lerpwl