Theresa May am roi amserlen i fynd

 
Llun pen ac ystwydd o Theresa May

Theresa May

Llun: Anika Haas trwy Commons Wikimedia CC2.0

Fe fydd Theresa May yn gosod amserlen ar gyfer gadael rhif 10 Downing Street, gan wneud cyhoeddiad ymhen ychydig tros bythefnos.

Ac mae ei harch-elyn, Boris Johnson, eisoes wedi cyhoeddi y bydd yn un o’r cystadleuwyr pan fydd hynny’n digwydd.

Ar ôl cyfarfod rhyngddi hi a phwyllgor gwaith y 1922 Committee yn San Steffan, fe gyhoeddodd Cadeirydd y Pwyllgor, Graham Brady, y byddai ef a hi’n cyfarfod eto yn union ar ôl y bleidlais nesa’ ar ei chytundeb Brexit.

Dyna pryd y byddan nhw, meddai ef, yn cytuno ar fanylion ei dyddiad gadael a’r drefn i ethol arweinydd newydd i’r Blaid Geidwadol.

Fe fydd hynny’n digwydd pa un ai yw hi’n ennill y bleidlais – ar Ail Ddarlleniad Mesur y Cytundeb Gadael – ai peidio.

Mae’r pwysau ar Theresa May i ymddiswyddo wedi bod yn cynyddu’n gyson ac mae’n debyg o gryfhau eto os bydd y Ceidwadwyr yn cael cweir ddifrifol yn Etholiadau Ewrop.

Llyfr Cameron ar y ffordd

O leia’, fe fydd ganddi rywbeth i’w ddarllen ar ôl mynd – mae’r cyhoeddwyr William Collins wedi rhoi gwybod y bydd hunangofiant y cyn-Brif Weinidog, David Cameron, ar werth ym mis Medi.

Fe fydd hynny rhyw fis a hanner cyn y dyddiad diweddara’ i adael yr Undeb  Ewropeaidd ac mae’n addo egluro’i safbwynt ar refferendwm Ewrop a Brexit.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Perthynas gymhleth Cymru a Lerpwl