Jeremy Hunt eisiau gwario mwy ar arfau rhyfel ar ôl Brexit

 
Y gwleidydd yn defnyddio ei ddwylo i egluro pwynt

Jeremy Hunt

Llun: NHS Confederation cc2.0 trwy FlickR

Mae’r Ysgrifennydd Tramor yn dweud y dylai gwledydd Prydain fod yn barod i godi faint o arian mae’n gwario ar amddiffyn unwaith mae’n gadael yr Undeb Ewropeaidd.

Yn ôl Jeremy Hunt byddai cynyddu gwariant ar amddiffyn yn sylweddol “yn dangos ymrwymiad gwledydd Prydain i warchod egwyddorion democrataidd ar adeg o ansicrwydd byd-eang.”

Dywed y dylai mwy o arian fod ar gael i greu datblygiadau newydd, megis seiber a deallusrwydd artiffisial, yn hytrach na “llenwi bylchau” mewn cynlluniau presennol.

Ar yr un pryd, fe rybuddiodd nad yw’n gynaliadwy i ddisgwyl i’r Unol Daleithiau barhau i wario 4% o’i Gynnyrch Mewnwladol Crynswth (GDP) tra mae gwledydd eraill Nato yn gwario ddim ond 1% a 2%.

Mae sylwadau Jeremy Hunt wedi cael eu beirniadu gan ysgrifennydd amddiffyn cysgodol Llafur, Nia Griffith.

“Mae Jeremy Hunt wedi bod yn Weinidog Cabinet ers 2010. Er hynny mae’r Torïaid wedi torri gwariant amddiffyn o £9m,” meddai.

“Os yw’n poeni cymaint â hynny, fe fyddech chi’n meddwl y byddai wedi dweud rhywbeth ychydig yn gynt?”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Perthynas gymhleth Cymru a Lerpwl