Sêr teledu yn mynd ben-ben yng ngwobrau BAFTA

Diweddarwyd am  
Sandra Oh

Sandra Oh

Llun: Greg Allen / PA Wire

Fe fydd y cyfresi poblogaidd Killing Eve a Bodyguard yn cystadlu am wobrau BAFTA heno (nos Sul, Mai 12) mewn seremoni arbennig yn y Royal Festival Hall yn Llundain.

Mae’r ddwy gyfres wedi’u henwebu ar gyfer gwobr y Gyfres Ddrama Orau, gyda Jodie Comer a Sandra Oh, dwy actores Killing Eve wedi’u henwebu ar gyfer gwobr yr Actores Orau.

Mae Kim Bodnia a Fiona Shaw, dwy actores arall yn y gyfres, wedi’u henwebu ar gyfer gwobr yr Actores Gynorthwyol Orau.

Er i’r gyfres gael ei darlledu yn yr Unol Daleithiau’n wreiddiol, mae’r pwyllgor sy’n gwobrwyo wedi penderfynu bod y gyfres yn gymwys.

Mae Keeley Hawes, seren Bodyguard, wedi’i henwebu ar gyfer gwobr yr Actores Orau.

Adloniant

Bydd Ant a Dec yn dychwelyd i’r carped coch eleni yn dilyn blwyddyn gythryblus i Ant McPartlin, a gafodd ei arestio am yfed a gyrru y llynedd.

Mae’r ddau wedi’u henwebu yng nghategori’r Perfformiad Adloniant Gorau yn Saturday Night Takeaway.

Mae’r rhaglen hefyd wedi’i henwebu yng nghategori’r Rhaglen Adloniant Orau, yn erbyn Britain’s Got Talent, Strictly Come Dancing a Michael McIntyre’s Big Show.

Graham Norton fydd yn cyflwyno darllediad y BBC am 8 o’r gloch.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Perthynas gymhleth Cymru a Lerpwl