“Camgymeriad” trafod Brexit â’r Blaid Lafur – cyn-weinidog Ceidwadol

Diweddarwyd am  

Gavin Williamson

Llun: Chris McAndrew CC 3.0 trwy Commons Wikimedia

Mae Gavin Williamson, cyn-Weinidog Amddiffyn Llywodraeth Geidwadol Prydain, yn dweud bod Theresa May yn gwneud “camgymeriad difrifol” wrth drafod Brexit â’r Blaid Lafur.

Fe gafodd ei ddiswyddo’n ddiweddar ar ôl datgelu gwybodaeth am Huawei.

Mae’n dweud mewn erthygl yn y Mail on Sunday fod Theresa May yn “wleidyddol naïf” am ddechrau trafodaethau oedd yn sicr o fethu yn y pen draw.

Dywed ei fod yn sicr y bydd y trafodaethau’n “gorffen mewn dagrau”, gan bwysleisio nad oes gorfodaeth ar Lafur i helpu’r Ceidwadwyr.

“Bydd Jeremy Corbyn yn gwneud popeth o fewn ei allu i rannu, tarfu ar y Ceidwadwyr ac achosi rhwystredigaeth iddyn nhw yn y gobaith o chwalu’r Llywodraeth.

“Ei nod, a dydy e ddim wedi cadw hyn yn gyfrinach, yw achosi etholiad cyffredinol.”

Mae e’n rhybuddio hefyd y gallai Theresa May gael cefnogaeth llai na hanner yr aelodau seneddol Ceidwadol, ac y byddai angen dod i ddealltwriaeth gyda nifer o bleidiau yn y pen draw i sicrhau cytundeb.

Arweinyddiaeth newydd?

Mae Gavin Williamson hefyd yn awgrymu bod angen arweinydd newydd ar y blaid.

“Rydym nawr ar groesffordd ac mae’n hanfodol fod y Prif Weinidog yn gwneud y penderfyniad cywir,” meddai.

“Er mwyn cyflwyno Brexit, mae angen penderfyniad clir o’r hyn rydych chi am ei gyflwyno, yn hytrach na chyflwyno’r peth lleiaf.

“Yr unig ffordd o gyflwyno unrhyw beth yw drwy sicrhau fod gennych eich llwyth eich hunan a’ch pobol eich hun gyda chi 100% o’r ffordd.

“Dyma sy’n rhaid ei gyflwyno – peidio â dod i gytundeb gyda Llafur.”

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Perthynas gymhleth Cymru a Lerpwl