Datgelu trafodaethau cyfrinachol: galw am ymchwiliad heddlu

Diweddarwyd am  
Llun pen ac ystwydd o Theresa May

Theresa May

Llun: Anika Haas trwy Commons Wikimedia CC2.0

Mae Theresa May yn wynebu galwadau i gynnal ymchwiliad llawn gan yr heddlu ar ôl i drafodaethau cyfrinachol gan y Cyngor Diogelwch Cenedlaethol (CDC) gael eu datgelu.

Mae Aelodau Seneddol wedi dweud bod datgelu’r trafodaethau cyfrinachol o’r cyfarfod ddydd Mawrth yn “syfrdanol” ac maen nhw wedi galw am gynnal ymchwiliad gan yr heddlu i ddod o hyd i’r sawl oedd yn gyfrifol.

Daw’r galwadau yn dilyn adroddiad yn The Daily Telegraph oedd yn datgelu manylion am gyfarfod rhwng Llywodraeth Prydain a’r cwmni technoleg Huawei.

Roedd Downing Street wedi gwrthod dweud a oedd ymchwiliad ar y gweill.

Mae dau weinidog y Cabinet – yr Ysgrifennydd Amddiffyn Gavin Williamson a’r Ysgrifennydd Tramor Jeremy Hunt – wedi gwadu’n gyhoeddus mai nhw oedd yn gyfrifol.

Dywedodd y cyn-ysgrifennydd amddiffyn Syr Michael Fallon na fyddai ymchwiliad gan weision sifil yn Whitehall yn ddigonol a bod angen ymchwiliad llawn gan Scotland Yard.

Mae’r cyn-weinidog Andrew Mitchell hefyd wedi dweud y dylai Theresa May alw ar MI5 i gynnal ymchwiliad llawn.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Perthynas gymhleth Cymru a Lerpwl