Llywodraeth i greu deddfwriaeth i sicrhau diogelwch ar y we

 

Llun: CC0

Fe fydd Llywodraeth gwledydd Prydain yn cyflwyno deddfwriaeth newydd er mwyn sicrhau diogelwch ar y we.

Mae’r papur gwyn, sydd wedi cael ei lunio gan yr Adran Ddigidol, Diwylliant, y Cyfryngau a Chwaraeon a’r Swyddfa Gartref, yn gobeithio gwneud gwledydd Prydain y lle mwyaf diogel yn y byd i fod ar-lein.

Byddai’r rheolau llym yn sicrhau bod cwmnïau cyfryngau cymdeithasol yn cymryd cyfrifoldeb dros eu defnyddwyr a diogelwch eu platfformau, yn ogystal a’r deunydd sydd yn ymddangos ar eu gwasanaethau.

Mae’n awgrymu  cosbi cwmnïau cyfryngau cymdeithasol gyda dirwyon mawr neu eu rhwystro rhag cael mynediad atynt.

Byddai’r rheoleiddiwr gyda’r pŵer i roi “dirwyon sylweddol, rhwystro mynediad at safleoedd ac o bosib gwneud aelodau unigol o uwch reolwyr yn atebol”.

Er hynny, mae’r cynlluniau wedi arwain at rybuddion na ddylai hyn arwain at sensoriaeth gan y Llywodraeth.

Fe fydd ymgynghoriad 12 wythnos nawr yn cael ei gynnal cyn i weinidogion gyhoeddi deddfwriaeth ddrafft.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019