Galw am “ymadawiad urddasol” Theresa May

Diweddarwyd am  
Llun pen ac ystwydd o Theresa May

Theresa May

Llun: Anika Haas trwy Commons Wikimedia CC2.0

Mae un o gyn-weinidogion Llywodraeth Prydain yn galw am “ymadawiad urddasol” Theresa May er mwyn sicrhau bod y broses Brexit yn dod i ddiweddglo delfrydol.

Fe fu awgrym mai’r unig ffordd y gall prif weinidog Prydain sicrhau bod Brexit yn mynd rhagddo yw cytuno i gamu o’r neilltu pe bai’r senedd yn derbyn ei chynllun.

Mae Esther McVey, sy’n galw am ymddiswyddiad Theresa May, yn awgrymu y byddai hi’n barod i gamu i’w hesgidiau pe bai hi’n ennill digon o gefnogaeth.

Daw sylwadau’r cyn-Ysgrifennydd Gwaith a Phensiynau yn dilyn cyfweliad â rhaglen Pienaar’s Politcs ar Radio 5 Live.

“Dim ond hi sy’n gwybod beth sydd orau iddi, ond yr hyn rwy’n ei wybod yw ein bod ni oll fel plaid am fod yn gallu diolch iddi.

“Mae angen ymadawiad urddasol arni…”

Newid arweinydd

Un sy’n ategu sylwadau Esther McVey yw Charlie Elphicke, aelod seneddol Ceidwadol dros Dover, wrth iddo alw am “newid yr arweinydd”.

Dywed fod angen “wyneb newydd a thîm newydd i’n symud ymlaen at berthynas newydd yn y dyfodol”.

Mae cynllun Theresa May yn wynebu trydedd pleidlais yr wythnos hon, ac mae adroddiadau bod trafodaethau ar y gweill i geisio cefnogaeth y rhai oedd wedi pleidleisio yn erbyn y cynllun yn y ddwy bleidlais flaenorol.

Mae Downing Street, fodd bynnag, yn gwadu hynny.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Perthynas gymhleth Cymru a Lerpwl