Damwain Ethiopia: Boeing dan bwysau i sicrhau diogelwch eu hawyrennau

Diweddarwyd am  

Llun: CCO

Mae’r gwneuthurwr awyrennau o’r Unol Daleithiau, Boeing, dan bwysau i sicrhau diogelwch eu hawyrennau 737 Max 8 yn dilyn damwain awyren Ethiopian Airlines ddoe (dydd Sul, Mawrth 10).

Cafodd 157 o bobol eu lladd, gan gynnwys saith o ddinasyddion Prydeinig. Mae Ethiopia wedi datgan diwrnod o alaru.

Mae cwmnïau awyrennau yn Tsieina wedi cael gorchymyn gan y corff sy’n goruchwylio’r diwydiant hedfan i beidio defnyddio awyrennau Max 8. Mae cwmni yn y Caribî, Cayman Airways, hefyd wedi penderfynu peidio defnyddio dwy o’u hawyrennau newydd.

Yn yr Unol Daleithiau mae’r Weinyddiaeth Hedfan Ffederal (FAA) wedi dweud ei bod yn “monitro’r datblygiadau yn ofalus” yn dilyn y digwyddiad.

Daw’r ddamwain fisoedd yn unig ar ôl digwyddiad arall yn ymwneud a’r un math o awyren pan gafodd 189 o bobol eu lladd.

Dywedodd prif weithredwr Boeing, Dennis Muilenburg, ddydd Sul bod y cwmni yn darparu “cymorth technegol” i lywodraeth Ethiopia.

Mae Ethiopian Airlines hefyd wedi rhoi’r gorau i ddefnyddio gweddill eu hawyrennau Max 8 am y tro, er nad yw achos y ddamwain yn hysbys hyd yn hyn.

Dywed Ethiopian Airlines eu bod wedi hysbysu teuluoedd y rhai oedd ar yr awyren. Y gred yw bod y rhan fwyaf o’r teithwyr ar eu ffordd i gynhadledd amgylcheddol y Cenhedloedd Unedig.

Aeth yr awyren i drafferthion chwe munud ar ol gadael Addis Ababa ddoe ar ei ffordd i Nairobi, Kenya.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019