36% o bobol yn beirniadu defnydd eu partner o ffôn symudol

 

Llun: CCO

Mae traean o bobol sydd mewn perthynas yn dweud bod eu partner yn eu hanwybyddu wrth droi at eu ffonau symudol.

Dywed 36% o’r 2,000 o bobol a gafodd eu holi gan YouGov eu bod nhw wedi cael eu hanwybyddu gan bartner oedd yn defnyddio ffôn symudol.

57% oedd y ffigwr ar gyfer pobol rhwng 25 a 34 oed.

Ac mae cyfreithwyr yn rhybuddio bod y sefyllfa’n arwain at gynnydd mewn achosion o ysgaru a thor-perthynas.

Dywed 11% o bobol a gafodd eu geni ers y mileniwm eu bod nhw wedi bod yn anffyddlon drwy dwyllo ar bartner drwy gyfrwng ffôn symudol.

“Mae rhai cyplau’n treulio mwy o amser yn y gwely gyda’u ffonau symudol na bod yn serchus gyda’i gilydd,” meddai Amanda Rimmer, cyfreithwraig gyda chwmni Stephenson’s, comisiynwyr yr arolwg.

“Mae pobol yn cysgu gyda’u ffôn, yn bwyta gyda’u ffôn, yn chwarae gyda’u ffôn ac yn siarad gyda’u ffôn – mae bron â bod yn berthynas ynddi’i hun.

“Gall ffonau symudol achosi diffyg ymddiriedaeth ac amheuaeth, dadleuon a bod yn anffyddlon.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones