Llafur ‘yn paratoi am etholiad cyffredinol brys’

 
Wyneb John McDonnell

John McDonnell

Llun: Rwendland CCA4.0 Rhyngwladol

Mae John McDonnell, canghellor yr wrthblaid, yn dweud ei fod yn paratoi cyllideb rhag ofn y bydd etholiad cyffredinol brys yn cael ei gynnal.

Mae’n rhagweld y byddai ei blaid yn ennill o fwyafrif sylweddol pe bai hynny’n digwydd yn sgil trafodaethau Brexit.

“Mae angen dau neu dri phwynt arall i fynd â ni i’r llywodraeth a dyna gawn ni wrth i ni fynd i mewn i’r ymgyrch,” meddai wrth gynulleidfa Llafur yr Alban yn Dundee, wrth ymateb i’r polau piniwn diweddaraf, sy’n rhoi’r Ceidwadwyr ar y blaen o hyd.

Mae’n rhybuddio bod y llywodraeth yn “ansefydlog ac felly yn hollol anwadal”, a’i fod e a Jeremy Corbyn, yr arweinydd, yn paratoi i ffurfio llywodraeth.

‘Barod i fynd’

“Rhag ofn fod etholiad, rydym yn paratoi ar gyfer etholiad, ac mae’r holl gynlluniau ymgyrchu yn  barod,” meddai John McDonnell.

“Rydyn ni wedi bod yn profi’r negeseuon, mae’r grid yn barod i fynd.

“Y grid yw pwy sy’n mynd i ble yn nhermau’r cabinet cysgodol ar hyd a lled y wlad, lle bydd ralïau Jeremy, fel y gallwn ni fynd i mewn i feddylfryd etholiad os bydd etholiad cyffredinol.”

O ran ei gyllideb, mae John McDonnell yn dweud bod trafodaethau ar y gweill.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer