Mae dyn yn ei 30au wedi cael ei arestio mewn perthynas â dau achos o drywanu yn Llundain.
Mae llanc 16 oed a dyn 37 oed yn yr ysbyty, lle mae eu bywydau mewn perygl.
Cafodd y dyn ei arestio yn ardal Camden, lle cafodd y llanc ei drywanu am 11.36 fore heddiw (dydd Sul, Mawrth 3).
Cafodd ei arestio wedyn ar amheuaeth o geisio llofruddio’r dyn 37 oed yn Soho toc ar ôl 6 o’r gloch fore heddiw.
Dywedodd wrth yr heddlu ei fod e wedi cymryd cyffuriau, ac fe gafodd ei gludo i’r ysbyty.
Mae dynes yn ei 40au hefyd yn y ddalfa.
