Cyfraith newydd ar ddefnyddio droniau ger meysydd awyr

Diweddarwyd  
Llun o dron yn yr awyr

Llun: Eduardo Famendes CCA4.0

Fe fydd cyfraith newydd ar ddefnydd droniau o gwmpas meysydd awyr yn cael ei chyflwyno fis nesaf, ac o ganlyniad, fe fydd hi’n anghyfreithlon eu hedfan o fewn 5km i unrhyw faes awyr.

O dan y gyfraith bresennol, mae hawl gan ddefnyddwyr hedfan eu drôn o fewn cilomedr i lanfa.

Er mwyn ceisio lleihau’r camddefnydd o ddrôns, mae Llywodraeth Prydain hefyd yn cydweithio gyda’r cwmni ffotograffiaeth Jessops, sy’n addo sicrhau y bydd ei gwsmeriaid yn ymwybodol o’r rheolau newydd.

Fe dyfodd pryder ynghylch y camddefnydd o droniau ar ôl i deithwyr gael eu heffeithio o gwmpas y Nadolig wrth i’r dyfeisiau ymddangos mewn meysydd awyr ledled gwledydd Prydain. Cafodd awyrennau eu rhwystro rhag codi i’r awyr am dros 36 awr yn Gatwick.

Yn ystod 2018, fe fu 125 achos ble’r oedd drôn wedi dod yn agos at daro awyren, sy’n gynnydd o 34% ar y cyfanswm o 93 yn 2017.

Gwasanaethau Brys

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019