Galw am god moeseg ar gyfer llwyfannau cyfryngau cymdeithasol

 

Mae pwyllgor o Aelodau Seneddol wedi mynnu bod yn rhaid i lwyfannau cyfryngau cymdeithasol gydymffurfio a chod moeseg er mwyn mynd i’r afael a chynnwys anghyfreithlon ar eu safleoedd.

Mewn adroddiad cynhwysfawr, mae’r ASau hefyd yn rhybuddio bod democratiaeth mewn perygl oherwydd bod pobl yn cael eu targedu gyda newyddion ffug a hysbysebion o ffynonellau na ellir eu hadnabod.

Roedd y Pwyllgor Digidol, Diwylliant, Cyfryngau a Chwaraeon yn feirniadol iawn o Facebook gan ei gyhuddo o fod yn “anfodlon bod yn atebol i reoleiddwyr”. Cafodd pennaeth Facebook, Mark Zuckerberg, hefyd ei feirniadu am ddangos “dirmyg” drwy wrthod mynd gerbron y pwyllgor y llynedd.

Yn yr adroddiad maen nhw’n dweud na ddylai cwmnïau fel Facebook gael eu caniatáu i “ystyried eu hunain uwchlaw’r gyfraith” gan ychwanegu bod angen canllawiau moeseg i ddatgan beth sydd, a beth sydd ddim, yn dderbyniol ar gyfryngau cymdeithasol.

Os nad yw’r cwmnïau technegol yn cwrdd â gofynion y cod moeseg, yna fe ddylai rheoleiddiwr annibynnol fod a’r gallu i ddechrau camau cyfreithiol yn eu herbyn a’r gallu i roi dirwyon sylweddol, meddai’r ASau.

Mae Facebook wedi dod o dan y lach dros y flwyddyn ddiwethaf yn dilyn y sgandal Cambridge Analytica, a phryderon am newyddion ffug a chynnwys ar y safle.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer