Sawl Aelod Seneddol Llafur “ar fin gadael y blaid”

Diweddarwyd am  

Palas San Steffan

Llun: Commons Wikimedia CC0

Mae ‘na ddyfalu bod sawl Aelod Seneddol Llafur ar fin gadael y blaid oherwydd anniddigrwydd am y modd mae wedi delio gyda Brexit a’r honiadau o wrth-Semitiaeth.

Daeth neges y bore ma (dydd Llun, 18 Chwefror) yn dweud bod cyhoeddiad am gael ei wneud am 10yb yn “ymwneud a dyfodol gwleidyddiaeth gwledydd Prydain”.  Daeth y neges gan aelod o staff yr AS Chuka Umunna.

Hyd yn hyn, nid oedd rhai o’r aelodau blaenllaw y credir sydd yn bwriadu gadael y Blaid Lafur yn fodlon gwneud sylw ar y mater.

Dywedodd y cyn-weinidog cysgodol Owen Smith na fyddai’n gwneud sylw am yr honiadau. Ond fe awgrymodd yr AS Llafur Stephen Kinnock wrth The Westminster Hour ar BBC Radio 4 ddydd Sul bod y dyfalu “wedi bod yn mynd mlaen mor hir, mae’n ddrwg gen i ddweud, ond ie, mae’n debyg y bydd rhyw fath o hollt.”

Yn ôl y canghellor cysgodol, John McDonnell, ddydd Sul doedd e ddim yn credu “bod angen i unrhyw un adael y blaid.”

Fe ddatgelodd hefyd y byddai Llafur yn “edrych ar” gynnig sydd wedi cael ei wneud gan yr aelodau meinciau cefn Peter Kyle a Phil Wilson i gefnogi ail refferendwm Brexit yn y rownd nesaf o bleidleisiau Brexit ar 27 Chwefror.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Perthynas gymhleth Cymru a Lerpwl