John McDonnell yn dryllio delw Winston Churchill

Diweddarwyd am  

John McDonnell

Llun: Comin Wicimedia

Mae Canghellor yr Wrthblaid, John McDonnell, wedi cythruddo amryw o’i gyd-wleidyddion wrth ddweud bod Winston Churchill yn “ddihiryn” oherwydd ei driniaeth o lowyr Cymru.

Dywedodd y gwleidydd Llafur hyn wrth gyfeirio at y ffordd y gwnaeth Winston Churchill, fel yr Ysgrifennydd Cartref ar y pryd, ymdrin â glowyr Cymru pan oedden nhw ar streic yn 1910.

Anfonodd filwyr i gefnogi’r heddlu yn ystod terfysg Tonypandy – rhywbeth sydd wedi bod yn destun dadleuol yn ein hanes.

Mewn sesiwn cwestiwn ac ateb ar wefan Politico, un o’r cwestiynau oedd: “Winston Churchill, arwr neu ddihiryn?”

Ei ateb oedd, “Tonypanydy – dihiryn.”

Fe ddanfonodd Winston Churchill 200 o swyddogion Heddlu’r Metropolitan i Donypandy, gyda chriw arall o Ffiwsilwyr Sir Gaerhirfryn wedi eu gosod yng Nghaerdydd.

Ar ôl ychydig amser, cafodd y milwyr eu galw i’r pentref yn y Rhondda i ddelio a’r sefyllfa.

Ddegawdau’n ddiweddarach, wedi blynyddoedd yn yr anialwch gwleidyddol, enillodd Winston Churchill glod byd-eang fel y prif weinidog a arweiniodd Brydain i fuddugoliaeth ar ddiwedd yr Ail Ryfel Byd. Datblygodd yn ffigur eiconig wedi hynny gan gael ei enwi fel y “Prydeiniwr mwyaf” mewn pleidlais gan y BBC yn 2002.

Dywedodd yr AS Ceidwadol Syr Nicholas Soames, ŵyr Winston Churchill, fod sylwadau John McDonnell yn rhai “twp iawn” gan awgrymu mai ceisio cyhoeddusrwydd oedd ei fwriad.

“Dw i’n meddwl y gall enw da fy nhaid wrthsefyll ymosodiad gan ryw Poundland Lenin trydydd gradd,” meddai.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed