Y “ddinas Wyddelig” yn croesawu Arlywydd Iwerddon

 
Michael D Higgins, Arlywydd Iwerddon

Arlywydd Iwerddon, Michael D Higgins

Llun: Flickr Chris Bellew / Fennell Photography

Mae Michael D Higgins, Arlywydd Iwerddon, wedi canmol Lerpwl fel “dinas Wyddelig” ar ddiwrnod olaf ei ymweliad â Lloegr.

Mae’n galw am gryfhau’r “cysylltiadau arbennig” rhwng Prydain ac Iwerddon ar y diwrnod pan fu’n ymweld ag Eglwys Gadeiriol Lerpwl gyda’i wraig Sabina.

Roedd mwy na 200 o bobol yno i’w gyfarch wrth iddo draddodi araith.

“Waeth bynnag beth sy’n digwydd mewn digwyddiadau gwleidyddol cyfagos, mae hi mor bwysig ein bod ni’n adeiladu ar y cysylltiadau pwysig hynny sydd gennym o ran rhyngweithio,” meddai.

Fe fu’n canmol gweithwyr cymunedol, cyfraniad y Gwyddelod i isadeiledd Glannau Mersi a chamlas Manceinion yn dilyn y mewnlifiad yn y bedwaredd ganrif ar bymtheg.

Dywedodd fod Gwyddelod i’w cael ym mhob agwedd ar fywyd Lerpwl, gan gynnwys y Beatles.

“Dyma beth sy’n digwydd yn y bydoedd gorau pan fo pobol yn rhannu eu bywydau,” meddai.

Perthynas Iwerddon a Lloegr

Ychwanegodd fod yna “aeddfedrwydd” bellach yn y berthynas rhwng Iwerddon a Lloegr.

“Rydym wedi symud i le newydd lle gallwn gerdded yn esgidiau ein gilydd, a lle gallwn ganolbwyntio ar y presennol a’r dyfodol.

“Mae gan Lerpwl, y ddinas dra Wyddelig, gysylltiad eithriadol ag Iwerddon.”

Fe fu’n ymweld ag arddangosfeydd yn amgueddfa’r ddinas.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019