Gallai penaethiaid busnes “diofal” gael eu carcharu tros bensiynau

 
Syr Philip Green

Syr Philip Green

Llun: Ian West/PA Wire

Mae penaethiaid busnes sy’n “ddiofal” ynghylch cynlluniau pensiwn eu gweithwyr yn wynebu hyd at saith mlynedd o garchar, meddai Amber Rudd, Ysgrifennydd Pensiynau San Steffan.

Mae’n rhybuddio y bydd y fath ddiffyg gofal yn dod yn drosedd, ac y gallai hefyd arwain at ddirwy di-ben-draw.

“Rydym yn dod amdanoch chi,” meddai mewn erthygl yn y Sunday Telegraph.

“Er mwyn atal y rhai ffrilans sy’n chwarae gyda’ch arian, rwy’n mynd i wneud ‘ymddygiad bwriadol neu ddiofal’ o ran cynllun pensiwn yn drosedd, gyda chyfnodau o garchar o hyd at saith mlynedd i’r troseddwyr gwaethaf.

“Byddwn hefyd yn rhoi’r grym i’r llysoedd roi dirwyon di-ben-draw – ie, di-ben-draw.”

Daw’r cyhoeddiad yn dilyn ymgynghoriad y llynedd er mwyn ceisio rhoi mwy o rym i’r rheoleiddiwr pensiynau.

Syr Philip Green

Un o’r achosion amlycaf yw hwnnw’n ymwneud â Syr Philip Green, cyn-bennaeth BHS.

Cafodd y cwnni ei werthu am £1 yn 2015 ond fe aeth y cwmni i ddwylo’r gweinyddwyr flwyddyn yn ddiweddarach, oedd yn golygu bod gwerth £571m o bensiynau wedi cael eu colli.

Talodd Syr Philip Green £363m tuag at y costau.

“Mater o ddweud nad yw’n dderbyniol” yw’r drosedd newydd, meddai Liz Truss, Prif Ysgrifennydd y Trysorlys wrth gefnogi cyhoeddiad Amber Rudd.

Yn y cyfamser, mae rhai yn galw am dynnu teitl ‘Syr’ oddi ar Philip Green, yn dilyn honiadau ei fod e wedi cynnig £1m i ddynes yn gyfnewid am gadw’n dawel am ei ymddygiad rhywiol.

Ac mae honiadau ei fod e wedi sarhau gweithiwr arall yn hiliol.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed