Dug Caeredin yn ymddiheuro am wrthdrawiad

Diweddarwyd am  
Dug Caeredin

Dug Caeredin, y Tywysog Philip

Llun: Flickr

Mae Dug Caeredin, y Tywysog Philip, wedi ymddiheuro am y gwrthdrawiad ger Sandringham yn Norfolk, ar ôl i fam i ddau o blant gael ei hanafu yn y digwyddiad.

Fe ddigwyddodd ar Ionawr 17, pan oedd e’n gyrru Land Rover Freelander. Fe wnaeth e foelyd y cerbyd ar ôl taro Kia Emma Fairweather. Roedd y car hwnnw’n cludo ei mab naw mis oed.

Cafodd dynes arall driniaeth yn yr ysbyty yn dilyn y gwrthdrawiad.

‘Brysiwch wella’

Torrodd Emma Fairweather ei garddwrn yn y gwrthdrawiad, ac roedd hi’n galw am erlyn Dug Caeredin pe bai e’n euog o drosedd.

Fe ddywedodd iddo gael ei ddallu gan yr haul wrth adael Sandringham, ac nad oedd e wedi gweld y car yn dod tuag ato.

“Hoffwn i chi wybod fod yn flin iawn gen i am fy rhan yn y ddamwain ar groesffordd Babingley,” meddai yn ei lythyr sydd wedi’i gyhoedi yn y Sunday Mirror.

“Rwyf wedi croesi’r groesffordd honno droeon, ac rwy’n gwybod yn iawn faint o draffig sy’n defnyddio’r ffordd fawr honno.

“Roedd yn ddiwrnod heulog ac oddeutu tri o’r gloch y prynhawn, ac roedd yr haul yn isel dros y Wash.

“Mewn geiriau eraill, roedd yr haul yn disgleirio’n isel dros y brif ffordd.

“Mewn amodau arferol, fyddwn i ddim wedi cael anhawster gweld y traffig yn dod o gyfeiriad Dersingham, ond gallaf ond ddychmygu i mi fethu â gweld y car yn dod, ac rwy’n edifar am y canlyniadau.

“Cefais fy siglo rywfaint wedi’r ddamwain, ond roeddwn yn teimlo rhyddhad mawr na chafodd yr un ohonoch eich anafu’n ddifrifol.

“Wrth i dorf ddechrau ymgynnull, cefais gyngor i ddychwelyd i Sandringham gan blismon lleol. Rwyf wedi cael gwybod ers hynny i chi dorri eich braich. Mae’n flin iawn gennyf am yr anaf.

“Dymunaf wellhad buan i chi wedi profiad ysgytwol iawn.”

‘Syndod’

Mae Emma Fairweather yn dweud iddi gael ei synnu fod y llythyr mor anffurfiol ei naws.

“Ro’n i’n credu ei bod yn braf iawn ei fod e wedi llofnodi’r llythyr gan ddefnyddio ‘Philip’ yn hytrach na’r teitl ffurfiol.

“Ces i fy siomi ar yr ochr orau oherwydd y natur bersonol.

“Roedd llawer o bobol yn dweud ei bod yn afrealistig fy mod i am weld caredigrwydd dynol gan y Tywysog Philip – a dyna welais i yn y llythyr hwn.”

Serch hynny, fe gafodd lluniau ohono’n gyrru heb wregys eu cyhoeddi ddeuddydd wedi’r gwrthdrawiad, ac mae wedi’i feirniadu yn sgil hynny.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones