Prydain ar fin troi cefn ar arlywydd Venezuela

Diweddarwyd  
Y gwleidydd yn defnyddio ei ddwylo i egluro pwynt

Jeremy Hunt

Llun: NHS Confederation cc2.0 trwy FlickR

Fe fydd Prydain yn cydnabod gwrthwynebydd arlywydd swyddogol Venezuela fel arlywydd dros dro os na fydd etholiad ‘teg’ yn cael ei gyhoeddi o fewn wyth niwrnod.

Dyna yw rhybudd yr Ysgrifennydd Tramor Jeremy Hunt i’r arlywydd swyddogol Nicolas Maduro, sy’n wynebu pwysau rhyngwladol i ildio i Juan Guaido, pennaeth cynulliad cenedlaethol y wlad.

Roedd Juan Guaido wedi datgan ei hun fel arlywydd dros dro yn y brifddinas Caracas ddydd Mercher yng nghanol protestiadau torfol anferth yn erbyn Nicolas Maduro, sy’n cael ei gythuddo o ddifetha economi’r wlad.

Cafodd ei urddo i’w ail dymor fel arlywydd yn gynharach y mis yma, er gwaethaf honiadau helaeth o dwyllo yn yr etholiad y llynedd.

“Ar ôl gwahardd ymgeiswyr gwrthbleidiau ac anghysondebau cyfrif mewn etholiad hynod ddiffygiol, mae’n amlwg nad Nicolas Maduro yw arweinydd cyfreithlon Venezuela,” meddai Jeremy Hunt.

“Juan Guaido yw’r person iawn i symud Venezuela ymlaen. Os na fydd etholiadau newydd a theg yn cael eu cyhoeddi o fewn wyth niwrnod, fe fydd y Deyrnas Unedig yn ei gydnabod fel Arlywydd dros dro i symud y broses wleidyddol ymlaen at ddemocratiaeth.”

Mae neges yr Ysgrifennydd Tramor yn dilyn camau tebyg sydd wedi cael eu cymryd gan lywodraethau’r Almaen, Ffranc a Sbaen. Mae Juan Guaido eisoes wedi cael ei gydnabod fel arlywydd dros dro gan Donald Trump.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Perthynas gymhleth Cymru a Lerpwl