Jack Shepherd yn y ddalfa am dri mis

 
cyfiawnder

Llun: CCO

Bydd Jack Shepherd yn cael ei gadw yn y ddalfa yn Georgia am dri mis wrth i’r awdurdodau baratoi ei achos estraddodi.

Mae’r gwe-ddylunydd 31 oed yn honni iddo gael rhybudd y byddai ei fywyd mewn perygl, pe bai yn cael ei garcharu ym Mhrydain.

Y llynedd fe gafodd ei ganfod yn euog o ladd Charlotte Brown, 24, wrth fynd â hi am dro rhamantus mewn cwch cyflym.

Fe gafodd ei ganfod yn euog o ddynladdiad trwy esgeulustod ofnadwy, a’i ddedfrydu i chwe blynedd dan glo.

Ond roedd wedi mynd ar ffo cyn i’r achos ddechrau yn llys yr Old Bailey yn Llundain.

Shampên

Bu farw Charlotte Brown wedi iddi syrthio i’r Afon Tafwys wedi i gwch Jack Shepherd fod mewn gwrthdrawiad.

Roedd gyrrwr y cwch wedi bod yn yfed shampên ar y pryd.

Mae Jack Shepherd wedi bod yn byw a gweithio yn Georgia ers mis Mawrth y llynedd.

Yn ddiweddar fe gyflwynodd ei hun i’r heddlu lleol ac mae Gwasanaeth erlyn y Goron wedi gofyn i’r awdurdodau yn Georgia anfon Jack Shepherd yn ôl i Brydain.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019