Cyhuddo Alex Salmond o geisio treisio

Diweddarwyd  

Alex Salmond

Llun: XIIIfromTOKYO CC 2.0 trwy Gomin Wicimedia

Mae Alex Salmond, cyn-Brif Weinidog yr Alban, wedi cael ei gyhuddo o nifer o droseddau rhyw yn erbyn menywod, gan gynnwys dau gyhuddiad o geisio treisio.

Fe gafodd y gwleidydd 64 oed ei gyhuddo gan Heddlu’r Alban y bore yma ac mae wedi ymddangos o flaen llys yng Nghaeredin yn ystod y prynhawn.

Dyna pryd y daeth hi’n amlwg beth yw hyd a lled y cyhuddiadau – y ddau o geisio treisio, naw o ymosod yn rhywiol, dau o ymosod yn anweddus ac un o darfu ar yr heddwch.

Parhau i wadu

Mae Alex Salmond wedi ei ryddhau ar fechnïaeth; doedd dim disgwyl iddo roi ple heddiw ac mae’r achos wedi ei glustnodi ar gyfer ymchwilio pellach.

Mewn datganiad y tu allan i’r llys, fe ddywedodd Alex Salmond ei fod yn parhau i wadu pob honiad o weithredu’n anghyfreithlon.

Roedd yn pwysleisio mai ef oedd wedi mynd at yr heddlu yn unol â threfniant ymlaen llaw ond, gan fod yr achos a ry gweill, fe ddywedodd na fyddai’n dweud rhagor ar hyn o bryd.

Cefndir

Roedd Alex Salmond wedi bod yn Brif Weinidog yr Alban hyd at 2014 ac fe ymddiswyddodd o blaid yr SNP wedi i’r honiadau ddod i’r amlwg yr ha’ diwetha’.

Mae’r achos wedi achosi trafferthion i’w olynydd yn y swydd, Nicola Sturgeon – mae ymchwiliad seneddol i’w hymddygiad hithau ar ôl iddi ddod yn amlwg bod Alex Salmond wedi cael sawl cyfarfod gyda hi ynghylch yr honiadau.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn