Gwyddonwyr Glasgow yn treialu ffordd o ail-dyfu esgyrn

Diweddarwyd am  
Nifer o fflasgiau gwydr ar fainc mewn labordy, a'r cefndir yn wyn, wyn

Llun parth cyhoeddus CC0

Mae dull newydd sy’n annog esgyrn i ail-ddechrau tyfu, yn cael ei brofi ar 15 o gleifion yn yr Alban.

Gobaith gwyddonwyr yw helpu’r miliynau o bobol sy’n cael eu heffeithio gan osteoporosis – salwch sy’n achosi i esgyrn y corff fod yn fregus iawn.

Ond trwy ddefnyddio cyfres o ddirgryniadau bach, mae gwyddonwyr yn gobeithio achosi esgyrn bregus i ail-ddechrau tyfu.

Bydd y treial peilot yn cael ei gynnal ar 15 o wirfoddolwyr sydd ag anafiadau i’w hasgwrn cefn yn Ysbyty’r Frenhines  Elizabeth yn Glasgow.

Mae arbrofion cynnar wedi dangos yn barod bod esgyrn newydd yn gallu cael eu creu wrth gyflwyno dirgryniadau bychain a phenodol i gelloedd stem oedolion.

Mae ymchwilwyr nawr am ddefnyddio’r un dechneg, a elwir yn ‘nanokicking’, i’r cleifion gan ddefnyddio dyfeisiadau wedi’u hatodi i’w coesau.

Y syniad yw ysgwyd y celloedd stem o fewn mêr yr esgyrn sydd heb droi mewn i asgwrn eto – gan droi’r rhain yn fraster yn lle.

Mae osteoporosis yn effeithio mwy na thair miliwn o bobol yng ngwledydd Prydain ac yn achosi o gwmpas 500,000 o anafiadau i esgyrn yn flynyddol.

Gwyddoniaeth a Thechnoleg

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Perthynas gymhleth Cymru a Lerpwl